Ayeri tuve un suañu:

...porque'l refraneru español, dexuru que tien fallos...

A bon entendedor, nun fai falta que-y lo expliques.

Perru lladrador, enemigu de carteros.

Nel llar del herreru, poco dineru.

Quien a bon arbol s’arrima, cuidau colos rayos.

A quien madruga, hode-y llevantase.

Cuando’l riu suena, ye que nun tas sordu.

El que nun l.lora, suerte la suya.

El que se pica, daqué faedria.

El home ya’l osu, entruga-ylo a Favila.

Más val prevenir, que, que te prevengan.

Más val cientu esnalando, qu’un na manu (mui mala se tien que dar pan nun garrar dengun)

Más val poco y bueno, que poco y malo.

Más val quedar callau y paecer tontu, que paecer tontu y quedar callau.

Quién tien boca, pué abrila.

A quién-y da lo mesmo, da-y lo mesmo, nun tornes a entruga-y.

A la tercera va la desesperación (si entovia nun entamo en la primera o segunda)

Si escupes p’enrriba, va mercate Gabino de Lorenzo.

Nun hai mal, que nun h.oda.

Dime qu’esperes, y cuntarete les tos desilusiones.

De desilusiones viven los tontos de los coyones.

Si en dalguna teneis dudes, podeis entrugame, toes tienen la so explicación, (o deberien)...

Toi intentando aburrios un pocu... esto culturizavos, que me confundí...

L'otru díi uve nuna exposición de bibliografía asturiana na sala de l´'antigu Café Español que, camudau convenietemente dempués de la guerra civil, pasó a convertise nuna gran galería de muebles que se noma Bazar Life, nome ue respón a un camudu silábicu del nome de la muyer del propietariu, Eugenio Ruiz de la peña, la mio tia Feli Moyano. Quién me diba dicir a min, y sobre too al mio castellanísimu tiu Eugenio (qué dempués de vivir alredior e 40 años n'Asturies -n'Uvieu- siguia falando col so español de Burgos, ensin pizca de contaminación de la llingua asturiana), qu'ellí, nel llocal de l'antigu Café español, los llibros de MAIRREGUERA, XOSEFA XOVELLANOS, y CAVEDA diben a reemplazar a les meses de billares, les estanteries de bebíes ya los enormes espexos que tornaben la imaxen de los contertulios de La Claraboya.

Pos sí. N'esta llingua que nun esiste escribieronse nos años caberos venticincu años unos cincu milenta y picu llibros: poesía, narrativa, teatru, lliteratura infantil y xuvenil, ensayu, epistolarios, trabayos d'investigación, traducciones d'obres franceses, ingleses, italianes, allemanes, textos de publicidá comercial, carteles de propaganda política, revistes culturales, comics, y cualesquier otru manifestamientu que quiera espresar fechos de comunicación escrita, del tipu que seya y cola intención que a los sos redactores yos plazca. Singular llingua esta, que ensin tener fe de vida emperrase en dicir que ta ehí, qu'ella si qu'esiste, comu esa muyer que'l otru díi na television mostraba unos papelesde l'administracion nos qu'aseguraben qu'ella morrió nel añu 1999. Taba muerta oficialmente pa l'Administración, peru la muyer merendaba tolos dies na cafeteria'l so barriu unos churros con chocolate ya descuxia coles sos amigues sobre la necesidá de busca-y un mozu seriu, que la quisiera de verdá, a la Pantoja.

Cincu milenta llibros escritos n'asturianu; tesis lleíes n'asturianu (a pesar de toes les trabes administratives que ponense a esa respetable opción académica y personal); municipios enteros que tan entamando, cola satisfación de los sos usuarios, la xusta adautación toponímica a les rialidaes llingüistiques impuestes pola tradición y la hestoria; programes de televisión nos que se fala tranquilamente n'asturianu; medios de comunicación na prensa ya radio qu'acueyen la llingua asturiana comu vehiculu de comunicación; plaques d'edificios intitucionales con rotulos bilingües; escolarización "voluntaria" (sabemos en que condiciones s'establez esa voluntariedá nos centros); enseñanza nes universidaes de titulos propios; cursos de capacitación, etc...

Pero na, l'asturianu nun esiste como llingua, ¿por qué? ¿ye que la xente asturiana rechazala? ¿Ye poco útil na era de la imformación y la comunicacion? ¿Ye l'asturianu menos útil que'l euskera o'l gallegu? ¿Tien menor tradición lliteraria?

¿Nun se tratará d'un complexu invencible, pa dalgunos políticos asturianos, l'admitir comu daqué normal que se fale, se escriba, y llea n'asturianu? ¿qué los usuarios, seyan munchos o pocos, puean utilizalu, comu pueen utilizalu los cientos d'habitantes del Valle d'Arán la so variedá dialectal frenti a una llingua: el catalán, muncho más potente y viva?

L'actual gobiernu del partiu socialista nun quier imponer l'usu de l'asturianu a naide. Paezme perbien. Naide va a impone-y, nuna situación de cooficialidá, l'asturianu a quien nun quiera falalu, pero que los asturianos que si quieran utilizalu nun lo puean facer paezme un agraviu comparativu inadmisible. ¿Ye qu'en Galiza, Euskadi ya Catalunya nun se-yos impuso a media población la cooficialidá de la llingua propia, tan propia polo menos como'l castellán?

La griesca de les llingües siempres me paeció una estupidez. Too un sieglu de represión sobre'l catlánm nel sieglu XVIII nun llogró finar con esa llingua. Cuarenta años de dictadura llingüistica nun llograron finar col catalán, y tampocu col gallegu, nin el vascu, qu'ehí tan bien vivos, y coleando, nes telenoveles colombianes de les televisiones, nes retransmisiones deportives, nes meses de debate, y nos telediarios.

Pero equí, comu siempres, somos distintos a toos. Da lo mesmo que persones tan pocu vulgares comu Xovellanos, Caveda, Acebal, Félix Aramburu, Fermin Canella o el pa Galo (por citar dalgunos nomes de los que dedicaronse a la so dignificación) utilizaronlu normalmente. ¡Qu'importa too eso si somos los meyores!

ÁLVARO RUIZ DE LA PEÑA (PROFESOR DE LLITERATURA NA UNIVERSIDÁ D'UVIEU)


Wi

Falemos de tormentes y tormentos. Ca tormenta per si sola, pue ser bona o mala, segun el puntu de vista del obxetor.
Dende'l mio puntu les tormentes nun suelen ser males, dafechu nun me disguten pa na, son daque interesante de la naturaleza (comu otres tantes coses). El problema entama encuantes dos tormentes se xunen. D'elles puen salir munches coses males(po lo xeneral). Son tan firmes ya arguyoses de si mesmes que nun darán nengun pasu atrás, ensin dase cunta, que si se tan xuniendo, pero pal mal de los demás, comu son los casos de los tornaos o huracanes (formaos por corrientes d'aire una escontra d'otra...).

Piensareis, ¿qué coño m'importa a min les tormentes? (o nel so defeutu: ¿qué coño m'importa a min lo que ponga'l llocu esti equi?). Too tien un significau (¡mentira!), esto nun ye más qu'una comparación ente los putos caracteres personales.

Comu si nun tuvieremos suficientes problemes, ente nos facemoslos, y en ocasiones demasiao grandes. Llegué a la conclusión (nun fai falta ser mui llistu) de que lo mesmo que les cargues, los caracteres semexantes repelense.

Nun llego a la mayoría d'edá y ya toi cansau de los enfrentamientos ente tales. Nun son más que cruces onde'l que glaye'l altu la lleva, yel que tien la razón, y comu non, los protagonistes rebotarán y glayaran fasta más nun poder.
Imaxinense comu me ponen les coses, cuandu amque me creya pacifista en tolos tipos de campos, quicias yo seya mui (repito: mui) testarudu pa estes coses.

Nun soporta sintir comu dos persones discuten (col únicu finde pasar el tiempu) sobre'l color del cielu, o quién algamara la copa'l rei esti añu.
Dafechu, lo que odio ye'l pocu respetu que se tienen ente les persones: "Cuando yo seya'l rei del mundiu, tu nun siguiras en pie."

"me pica y me intoxica" que contestar de forma maleducá seya l'único que hayamos deprendio nestos años.

Señores... Mama y Papa merecense un respetu.

Wi

Dizse que'l piensar ye la meyor forma de facer les coses nesta vida. Na mio corta vida ya me dí cunta que ye necesario piensar, pero qu'evidentemente como too, l'excesu ye per malu.

Nun toos tamos fechos de les mesmes basures reciclaes, y ca un piensa diferente que'l que tien al so llau, pero yera perbono que piensases en positivu, sobre lo que t'ufierten.

Tamos fasta los coyones de qu'ustedes piensen per nos, de que cuandu dicimos: "hola" tu ascuches un: "adios", de que digamos: "mierda" y xires la tiesta punxiendome mala cara.
Piensa-y, ya que tantu vos presta, que los demás tamien podemos ser bones persones, que n'ocasiones dicimos coses pa bien.

Ye nidio, que comu antes dixi nun tamos fecha del mesmu reciclaxe, y ca un ye ca un, y toos piensamos diferentes, pero fae un esfuerciu y nun mos trates como un terrorista de l'estau.

Comu si la xente nun tuviere problemes qu'aguantar llegues y creeslos... con una facilidá digna del señor diañu. Cuandu dicimos HOLA, ye HOLA, que quede nidio por favor. Y cuandu digamos coses que se puen tomar de mala forma o bona, nun vos pidimos que les tomeis siempres de la bona, pero polo menos dexailes pel aire, o entrugainos, POR FAVOR nun deis siempres por fecho lo que nun quereis oyir.

Siempres mos cuntaron que nun hai porque ser positivu, nin negativu, sinon rialista, y nidio que teneis la razón, pero si podies, darreu poneilo en prautica, faigannos felices... aún más...


Suerte.
Wi y esquizofrenia

Bono, yo nun ye que seya des-aficionau a la tele, porque veola con bastanti regularidá, pero la verdá que nun soi mui constante con series, asina que sufriré pa escoyer venti, de toes formes gracies a marcos por pasame la bola, que siempres tan bien movies d'estes pa llenar el blog.

Bono elli voi, nun se, nun tan clasificaes por orden de gustu, si non, por orden de recuerdu:
Bono comu nun teo una mierda de cultura televisiva, pongo les que m-alcuerdo que vi.

MacGyver. El roxu, pelu xitanu, que facia bombes atomiques con chicle.
Futurama. Los unicos dibuxos animaos qu'aun sigo viendo.
Los Simpson. Los dibuxos que vi dende guah.e fasta ayeri.
C.S.I. Cuandu nun echaben na, yera la alternativa, amque tampocu me dio muncho per ellos.
House. Una de les uniques dos series que veo o al menos intentolo siempres que les echen. Creo que ta bien.
El Chavo del Ocho. Pa min, una de les meyores serie de mi vida, que quereis, foi ensin querer, queriendo.
Siete vidas. De dque tenia que riime na mio post-adolescencia.
Aida. Bono, nun ta mal.
El coyote y el Correcaminos. pi-pi.
California dreams. Oh, mi serie de guah.e, alcuerdome de xugar a ellos, nel Catrillon.
El principe de Belair. Ensin face-y munchu casu a la policia. Taba bien.
Un chapuzas en casa. Esta tamien me gustaba daque, yera entretenia.
Alf. Esta lo mesmo que la anterior, tenia de vega en cuandu dalgun golpe bonu.
Power Rangers. incluso nun antroxu sali de power ranger blancu
Kyle XY. l-otra serie que veo cuandu la echen, esta rialmente bien.
Friends. La mitiquisima que tou dios vio.
Tiny toons. los chquitinos de los buggs bunny y cia, que echaben al mediudia mientes xintaba.
los trotamusicos. de bremen, yeah. debieron ser los mios dibuxos preferios.
los diminutos. Naiden saben onde tan...
Pesadillas. Yeren los sabados o domingos pela mañana, llevantabame y a velos,... menos mal que yeren pela mañana, si son de nueche nun duermo.


Ah, tamien chicho terremoto, nun me xulguen poles series. Seyan felices.

L'otru dii oyí falar a la mio conciencia sobre política, que si los unos, que si los otros. Nel pocu tiempu qu'atendí pa la conversación, l'única conclusión que saqué ye de que mos engañen. Oyí falar de malos y de menos malos, enxámas oyí la pallabra buenos na conversación. Chocome'l terminu de malos y menos malos. Según la mio conciencia ca ciertu tiempu la xente escoye'l cable que los fae actuar. Dicia daqué sobre los malos, unos que nun faen más que salir pola televisión, entrellazando los cables de les persones, faciendolos españar. Pol otru llau taben los menos malos.
Ella dicia qu'habia dos clases de malos: los que dicien coses males y les facien; y los que nun dicien coses males, pero aun asina facienles. Polo cualo unos son subnormales (la mio profesora enseñome qu'estes pallabres nos testos serios tamien puen ponese, que yos dá un toque perguapu), y los otros, son subnormales y amás mentirosos.
Comu enantes dixi, tamien tan los menos malos, que comu lo otros nun son más qu'hilos ya cables de mala calidá. Estos polo menos, la so intención ye facer coses buenes, pero eso ye solo a intención, al final, comu los otros faen coses males. Agora ya fuera de l'alcance la mio conciencia cuntome un collaciu de los pioyos la mio tiesta, que ta entamando a formase otros grupos, unos rarillos, dexuru sedrán igual d'incompetentes, pero según el mundiu, la competencia fae la meyora.

Siempres llamome l'atención esi ¿refrán?: rectificar ye de sabios.
Diganme, dalguien que rectifica evidentemente ye porque enantes confundiose, lo cual quier dicir que mui llistu nun ye, si se confundió, foi porque o foi lo primero que se-y vino a la tiesta ( lo cual nun diria muncho bueno d'él) o dempués de peinsalo, aun asina dixolo mal. Quicias llueu, con más tiempu, o con dalguien al so llau dando-y la vara dase cunta que lo que diz nun ye verdá. Si tantu tiempu necesita nun ye sabiu, pongas comu te pongas... pue ser llistu, naide te va dicir que non.
Y si aun tu sigues en les toos trece, dime, ¿a cuántos sabios oyisti tu rectificar?...
Habrás oyío falar de que la tierra ye plana, de la teoria del geocentrismu, la teoria de Bohr, o fasta l'esistencia de dios/a/es/as... o coses d'otros munchos "sabios"... la moralexa ta nidia: "PUES CONFUNDITE, O PUES DICIR LA VERDÁ, PERO ENXÁMAS DES UN PASU ATRÁS"...

Xunéte a FSST (Fuimos, Somos y Seremos Testarudos)

Nun dexes que t'engañen...

Nun te llimites a amirar estes hores qu'agora lleguen, baxa a la cai y participa. Nun podrán facer nada delantre d'un pueblu xuniu, gayasperu y cambativu.