Ayeri tuve un suañu:

Queria Deva:

Cuerre'l añu 37, ya'l friu ente los deos qu'agora toos aprietaos unos escontra los otros t'escriben. Equí enrriba la fame apierta y les ganes de tornar pal llar a la vera la chimenea ya'l to cuerpu ca díi son menos escases.
Güei llevantame con ganes de date un besu (comu tolos demás dies), a ti, y a la neña ya'l neñu más guapos de tol municipiu, por favor, dayos unu de parte'l so pa, y cancia-yos una añada enantes de dormir na mio alcordanza.

Creo que ya nun mos queda muncho, ya somos mui pocos los qu'aún podemos respirar. Les tropes españoles ya tienen controlau'l monte'l Faisán, y dientru pocu vendrán a por nós. Sé que morreré Deva, sé que darreu yel mio momentu. Tenemos les armes preparaes pa la llucha, tamien tenemos bales a punta pala, pero si daqué ye lo que mos carauteriza son les ganes de tornar ca ún pal so llar cola so familia. Les ganes son munches, pero les fuercies y la esperanza d'algamalo ya son nules.

Nun yos cuntes a los guah.es que morrí comu'n fugau nel monte a la gueta d'una vida digna, di-yos que morrí porque tenia que morrer, nun yos faigas tener una vida enllena de rencor y odiu, nin yo quisiera veles dende elli onde tea lluchando ente la vida y la muerte comu agora yo toi faciendo.
Cuntayos que fui un humilde trovador de los d'anguañu, pues diciyos que yera un gran agricultor, pero por favor enxamás yos digas que morrí per ellos.

Unvié a Bastián "el de Pinzales" pal nuesu llar con tol pocu dineru que me queda, y amás debeme una bien gorda, polo que tienme prometio que darate parte del so cultivu pa que podais xintar los tres, fasta que Nel y Lena seyan grandes. Espero que cuandu esta carta llegué, Bastián ya haya pasao per ellí.

Nun me queden fuercies coles que siguir escribiendote mio amor. Solo dicite que sigas cola to vida, qu'enta yes flor de rosa; que sigas comu fasta agora siendo bona madre y meyor siñora.
Siempres tarás nel mio coral, pues tu fuiste la lluz que me guió.

Nun teas mieu, nun taras enxamás sola... Canciayos esta a la guah.es:

Despiertes a media nuechi abrumáu polos pilancos.

Ye una xera perdifícil intentar desanicialos.

Montasti un caballu blancu pa escaecer la realidá.
Esclavu d'esa llaceria perdisti la llibertá.

Nunca tas llibráu dafechu, nun te puedes descuriar,
esa cigua anda al acechu y siempre pue tornar.

Que sepias que te quiero Deva, comu'l primer dii que mos vimos na Romeria'l pueblu con solo 10 años, que sepias que te quise, fasta que l'alborecer diome entierru.

Quiervos munchisimoa a Deva, Nel y Lena.

El so pa Xabel. 17-05-1937