Si polos cerraxeros fuere...
Que vida la nuesa...
Siempres intentando tar un pasu per enriba los demás, siempres asoleyando'l camín más direutu pa la meta...¿qué meta?...
El cerraxeru ye un home, el pegador de pegadielles (valga la redundancia) ye un dios. Comu pue ser qu'haya en ca tuberia del barriu venti pegadielles diferentes de cerraxeros.. cuandu nel to pueblo namai qu'hai unu(y gracies...). ¿Ú salen? ¿Cá vegada que salen del so llar, lleven nos bolsos pegadielles? ... Quicias sea asina, quicias seyan los únicos preparaos pa esti mundiu, les 24 hores del díi preparaos, pa la vida... preparaos, pa la muerte... Anueche suañe con un d'ellos, un cerraxeru... la mio puerta zarrosé nes mios narices, ya'l mio collaciu de la aventura llevome a un mundiu irreal, esnale xunto a él...
Dime cunta qu'él ye quien abre y pieslla les puertes, quién pon el infinitu onde ta (ónde...). Suañe que s'abria una puerta ("la" puerta), que gracies al cerraxeru la puerta del trasteru que nun tiempu tuvo piesllá, habia abierto a la vera'l mio collaciu. Quicias namai haya sio un espexismu, col cansanciu, la fatigación, y el empeñu, pueo llegar a allucinar, a creer coses que nun son... pero nesti momentu rezé pa nun mirar atrás, esta vegada non.
Xustu cuandu s'abrió la puerta, esconsoñeme (casualidá), agora toi tovia nel cuartu, nun se si baxar a ver si la ta abierta. Teo mieu qu'atopame ellí, ¿si ta abierta? ¿si alcuentro lo que tantu tiempu tuve buscando?, taria bién... pero... ¿y si baxo, y ta pieslla? piensaré que toi llocu y la desilusión sacara'l cuchillu que tenia escondiu baxo la manga.
El cerraxeru abrió una puerta, pero na mio tiesta; pal trasteru usaré un hachu, pero non, nun pue ser... tien que ser con cuidau, pocu a pocu... si lo que busco ta'l llau de la puerta fadré que rompa.
Toi n'habitación,
y nun dexo de piensar
si baxaré
o finaré por baxar.
El Wi, por y pa : Enfotu's Productions
0 retruques:
Publicar un comentario